مەودا میدیا-

خۆپیشاندان و ئاڵۆزییەکان لە شارەکانی عیراق بەردەوامی هەیە و بەهۆی ئەوەشەوە لە شەش پارێزگای عیراق پشووی فەرمی راگەیاندرا.

بەپێی هەواڵی میدیا عیراقییەکان، ئەمڕۆ لە هەریەک لە پارێزگاکانی بابل و واست و کەربەلا و دیوانیە و ناسریە و نەجەف پشووی فەرمی دەبێت لەسەرجەم دامودەزگاکانی حکومەت، بەهۆی ئەوەی ئاڵۆزییەکی زۆر هەیە لەم پارێزگایانەدا.

جێگای ئاماژەیە، ماوەی دوو مانگ زیاترە خۆپیشاندان و ناڕەزایەتییەکان لە شارەکانی بەغدا بەردەوامی هەیە و بەهۆی دروستبوونی ئاڵۆزییەوە ژمارەیەک لە خۆپیشاندەران کوژراون و برینداربوون، هەروەها لە سەرەتای خۆپیشاندانەکانەوە تاوەکو ئێستا ژمارەیەک لە چالاکوانی مەدەنی کوژران و رفێندراون لەلایەن کەسی نەناسراوەوە.