مەودا میدیا-

فرمێسک رزگار، چارەسەرکاری دەروونی و ماستەر لە دەروونزانی لە وتارێکیدا باس لە هۆکارەکانی ترس لە تارکی چین دەڵێت "ترس لە تاریکی جۆرێکە لە جۆرەکانی فۆبیای تایبەتی" و دەشڵێت "دەکرێت پەیوەندی هەبێت بە تەنگەژەی پاش زەبری دەروونییەوە کە پێشووتر فشارێکی دەروونی رووبەڕووی بووبێتەوە".

باس لەوەش دەکات "بۆ چارەسەری ئەم جۆرەی فۆبیا ئێمە هێواش هێواش تەکنینی گێرانەوە و رووبەڕووبوونەوەی بۆ بەکاردەهێنین، پاش دەستنیشانکردنی ئاستی ترسەکە لە شوێنی تاریکدا شێوازەکانی چارەسەر بەکاردەهێنین".

دەقی نووسینەکەی فرمێسک رزگار، چارەسەرکاری دەروونی:

ترس لە تاریکی جۆرێکە لە جۆرەکانی فۆبیای تایبەتی، کاردانەوەیەکی نائاساییە کە بەتەواوی نازانرێت هۆکارەکەی چییە و کەسەکە کە ترسێکی بەبێ هۆکاری هەیە کەناتوانێت لە شوێنێکی تاریکدا بمێنێتەوە.

• ئەوەی کە لەناو کوردا باوە هۆکارەکەی دەگەڕێنرێتەوە بۆ شێوازی پەروەردە لە منداڵییەوە و ترساندنی منداڵ لە تاریکی.
• دەکرێت پەیوەندی هەبێت بە تەنگەژەی پاش زەبری دەروونییەوە کە پێشووتر فشارێکی دەروونی رووبەڕووی بووبێتەوە یان توندوتیژیەکی جەستەیی یان توندوتیژی سێکسی یاخود بارودۆخێکی بەسەر هاتبێت لە شوێنێکی تاریکدا بوبێت.

چارەسەر:
• بۆ چارەسەری ئەم جۆرەی فۆبیا ئێمە هێواش هێواش تەکنینی گێرانەوە و رووبەڕووبوونەوەی بۆ بەکاردەهێنین، پاش دەستنیشانکردنی ئاستی ترسەکە لە شوێنی تاریکدا شێوازەکانی چارەسەر بەکاردەهێنین.
• بەشێوەیەکی گشتی چارەسەری دەروونی بەکاردەهێنین، بەڵام بۆ هەندێک جۆری ترسیش دەرمانی دەروونی بەکاردەهێنین