مه‌ودا میدیا-

نوێنه‌ری نه‌ته‌وه‌یه‌كگرتووه‌كان له‌ عیراق نیگه‌رانی خۆی ده‌رده‌بڕێت له‌ پێشێلكارییه‌كانی مافی مرۆڤ له‌ عیراق و ئاماژه‌ به‌وه‌ ده‌كات كوشتن و برینداركردنی خۆپیشانده‌رانی ئاشتیخواز قه‌یرانی متمانه‌ی دروستكردووه‌.

جێنین هینیس، نوێنه‌ری سكرتێری گشتی نه‌ته‌وه‌ یه‌كگرتووه‌كان له‌ عیراق رایگه‌یاند "خۆپیشانده‌رانی عیراق بۆ ئایینده‌یه‌كی باشتر و نه‌مانی گه‌نده‌ڵی و ده‌ستوه‌ردانی ده‌ره‌كی رژانه‌ سه‌ر شه‌قامه‌كان، كوشتن و برینداركردنی خۆپیشانده‌ران بوونه‌ هۆی دروست بوونی قه‌یرانی متمانه‌ له‌ عیراق".

نوێنه‌ری سكرتێری گشتی نه‌ته‌وه‌ یه‌كگرتووه‌كان له‌ عیراق داوای له‌ ده‌سه‌ڵاتدارانی عیراق كرد هه‌وڵه‌كانیان بخه‌نه‌وه‌ گه‌ڕ بۆ ده‌ستپێكردنه‌وه‌ی چاكسازی و به‌ده‌م داوای خۆپیشانده‌رانه‌وه‌ بڕۆن.