مەودا میدیا-

ئەنجومەنی نوێنەرانی عیراق  هیچ زانیارییەكیان لەبەردەست نییە لەبارەی ئەو گرێبەست و رێكکەوتننامانەی حكومەتەكەی مستەفا كازمی لە ماوەی رابردوودا، ئەنجامی داون و واژۆی کردوون  لەگەڵ وڵاتان.

ستار جابر، ئەندامی لیژنەی جێبەجێكردنی بەرنامەی حكومەت و پلاندانانی ستراتیژیی لە ئەنجومەنی نوێنەرانی عیراق بە میدیا عیراقییەکانی وتوە "پێویستە وردەكاریی گرێبەستە ئابوورییەكان لەگەڵ ئەو وڵاتانەدای مستەفا کازمی، سەرۆک وەزیرانی عیراق ئەنجامی داون".

 وتیشی "سەرجەم لیژنە پەیوەندیدارەكانی ئەنجومەنی نوێنەران زانیارییان لە بارەی ئەو گرێبەست و رێكکەوتننانەوە نییە، كە حكومەتەكەی مستەفا كازمی، سەرۆک وەزیرانی عیراق ئیمزای كردوون".

وتیشی "باشكردنی پەیوەندییەكان لە سەرجەم بوارەكاندا لەگەڵ وڵاتانی دراوسێ گرنگە، بەڵام دەبێت ئەنجامەکەی و وردەکارییەکانی بخرێنەڕوو".

ک. ر