مەودا میدیا-

بیلال حمەڕەوف، شارەزای گەشەپێدانی کشتوکاڵ لە وتارێکیدا لە تۆڕی کۆمەڵایەتیی فەیسبووک بڵاویکردووتەوە بە ناونیشانی "لەکاتی دامەزراندنی باخ و کڕینی نەمامدا پێویستە رەچاوی چەند خاڵێک بکەین" لەوانەش "پێویستە نەمامەکان لە شوێنی باوەڕپێکراو بکڕدرێت (بەڵێنامە )یەکی یاسای لەنێوان کڕیار و فرۆشیار پڕبکرێتەوە" باس لەوەش دەکات "پێویستە درەختەکان بگونجێن لەگەڵ ژینگەی ناوچەکەدا لەبارەی ئاو و هەوا و خاک و پلەی گەرمی".

دەقی وتارەکەی بیلال حمەڕەوف
لەکاتی دامەزراندنی باخ و کڕینی نەمامدا پێویستە رەچاوی چەند خاڵێک بکەین:
کڕیارانی ئازیز لەکاتی کڕینی درەخت و نەمامدا لە نەمامگەکان پێویستە ھەندێ پرسیار بکەن تەنھا شت مەكڕن و نەمام کۆمەکەنەوە و بە وێنە ھەڵمەخەڵەتێن جوان تەلەفون بۆ خاوەن نەمامگەکە بکەن و  زانیاری لێ وەربگرن و ئەم پرسیارانەی لێبکەن شارەزا نەبوو بزانە لێی نازانێت و خۆشی لە شوێنێکی ترەوە ھەڵە تێگەیاندراوە و نەمامەکەی بە ھەڵە وەرگرتووە یان گوێ بەبەرپرسیارێتی نادات ئەویش بەهۆی نەبوونی (بەڵێنامە ) لەنێوان کڕیار و فرۆشیاردا.

لەکاتی هەڵبژاردنی جۆر و پۆلی میوەی گونجا و بۆ باخ پێویسته رەچاوی ئەم خاڵانەی لای خواراوە بکەیت:
1. پێویستە نەمامەکان لە شوێنی باوەڕپێکراو بکڕدرێت (بەڵێنامە )یەکی یاسای لەنێوان کڕیار و فرۆشیار پڕبکرێتەوە.

2. پێویستە درەختەکان بگونجێن لەگەڵ ژینگەی ناوچەکەدا لەبارەی ئاو و هەوا و خاک و پلەی گەرمی نزم بێتەوە بۆ (5) س لەکاتی زستاندا بۆ شکاندنی متبون ( طور الراحة )ی گۆپکەی میوەی گەڵا هەڵوەریو (متساقط الاوراق) وەک: (سێو، هەرمێ، قۆخ... هتد ) و لەلایەکی دیکەوە تێبینی ئەوە بکرێت کە ئەو بارودۆخە ناگونجێ بۆ زۆربەی جۆرەکانی درەختی میوەی هەمیشە سەوز (اشجار فاکهة دائمة الخضرة) وەکو کاتی باران بارین و چەندی پلەی گەرما لەکاتی گوڵگرتن (تزهیر ) و چاککردنی ( تلقیح ) و هۆکارەکانی تری کە کار دەکەنە سەر سەرکەوتن و روواندنی درەختی میوە. 

3. پێویستە رەچاوی چاککردن بکرێت لە پۆڵی هەندێک جۆری میوە چونکە هەندێکیان چاکردنیان خۆییە و هەندێکیان نەزۆکی خۆییە و پێویستی بەپیتێنەر هەیە و دەبێت بەگونجاوی بڕوێنرێت و ئەم خاڵەش زۆر گرنگە لەکاتی دەستپێکردندا بزانرێت، بۆ ئەوەی رێگایەکی باش بۆ روواندنی پیتێنەرەکان لەباخدا بدۆزرێتەوە. 

4. ئەو پۆلانە هەڵبژێرین کە بەرهەڵەستی مێرو و نەخۆشی جۆرا و جۆر دەکەن و کەم توش دەبن.

5. دەبێت پۆلەکان بەناوبانگێتی بازرگانیان هەبێت و بەرەکانیان باش بن و زۆربگرن و جۆری باش بن.

6. پێویستە بزانیت ئەو درەختەی دەیکریت گەشەی بەهێزە یان نا.