مەودا میدیا-

سەرۆک وەزیرانی کاربەڕێکەری عیراق رایدەگەیەنێت کە دۆخی ئێستای عیراق ئاڵۆزە ئاماژەی بەوەش دەکات هێزه‌ ئه‌منییه‌كان نایانه‌وێت بكه‌ونه‌ دۆخێكه‌وه‌ كه‌ توندوتیژی له‌دژی خۆپیشانده‌ران به‌كاربهێنن.

عادل عه‌بدولمه‌هدی، سه‌رۆك وه‌زیرانی كاربه‌ڕێكه‌ری عیراق ئه‌مڕۆ سێشه‌ممه‌ 21ی کانونی دووەمی 2020 له‌ كۆبوونه‌وه‌ی ئه‌نجومه‌نی وه‌زیران رایگه‌یاند "عیراق له‌ئاستی ناوچه‌یی و نێوده‌وڵه‌تی له‌بارێكی ئاڵۆزدایه‌، وڵاتیش له‌گه‌ڵ هاوڵاتیانی خۆی و ده‌وڵه‌تانی تردا له‌دۆخێكی ناهه‌مواردایه"‌.

عادل عەبدولمەهدی دەشڵێت هێزه‌ ئه‌منییه‌كان نایانه‌وێت بكه‌ونه‌ دۆخێكه‌وه‌ كه‌ توندوتیژی له‌دژی خۆپیشانده‌ران به‌كاربهێنن".

عه‌بدولمه‌هدی وتوشیه‌تی: خۆپیشاندان و ناڕه‌زایه‌تیه‌ ئاشتیانه‌كان رێگه‌ به‌ داخستنی خوێندنگاو شه‌قامه‌كان نادات، پێویسته‌ ئه‌و كارانه‌ كۆتایی پێ بێت.

لە کۆبوونەوەکەدا سەرۆک وەزیرانی کاربەڕێکەری عیراق داوا لە لایەنە سیاسییەکان دەکات بەزووترین کات کاندید بۆ سەرۆک وەزیرانی نوێ دیاریبکەن.