مەودا میدیا- سەباح خضر

یانەی بەرشەلۆنە توانی بەسەر یانەی ریاڵ سۆسیدادا سەربکەوێت و خۆی بگەیەنێتە یاری کۆتایی جامی سوپەری ئیسپانی.

لەو یارییەدا و لە کاتی یاسایدا هەردوو یانە بەگۆڵێک یەکسان بوون، بەڵام دواتر داوەری یارییەکە پەنایی بردەبەر لێدانە یەکلاییکەرەوەکان.

بەرشەلۆنە توانی بە ئەنجامی (٣-٢)سەرکەوتن تۆماربکات و بگاتە یاری کۆتایی جامی سوپەر. لەوێش چاوەڕێی براوەی یاری نێوان ریاڵ مەدرید و ئەتلەتیکۆ بلباو دەکات کە کات ژمێر ١١:٠٠ی ئەمشەو بەکاتی کوردستان ئەنجام دەدرێت.

کومانی هۆڵەندی و راهێنەری یانەی بەرشەلۆنە دوای سەرکەوتنی یانەکەی و گەیشتن بە یاری کۆتایی بەشداری لە کۆنفرانسێکی رۆژنامەوانیدا کردووە بەم شێوەیە باسی یارییەکەی کرد.

کومان: یارییەکی زەحمەت و قورس بوو بۆ ئێمە، لەسەرەتایی یارییەکەدا خراپ بووین، بەڵام دواتر توانیمان خۆمان رێک بکەینەوە.

کومان: دی یونگ یاریزانێکی باشە و دەتوانێت لەهێڵی ناوەندا ئاستێکی باش پێشکەش بکات.

کومان: تا ئێستا روو نیە کە میسی دەتوانێت بەشداری یاری کۆتایی بکات یاخود نا.

کومان: هیوادارم بتوانین لە داهاتوودا سەرکەوتن تۆمار بکەین و هەڵە و کەم و کوڕییەکانمان چارەسەر بکەین.

کومان: ریاڵ سۆسیداد یانەیەکی بەهێزە و هەردەم دەبێتە کێشە بۆ یانەکان، بەڵام لە کۆتاییدا توانیمان سەرکەوتووبین.