مەودا میدیا-

دکتۆرە مەعصومە مەحمود محەمەد، پسپۆڕی نەخۆشییەکانی ژنان و منداڵبوون لە بابەتێکدا باس لە نەزۆکی دووەمی خانمان دەکات، ئاماژە بەوەدەکات، نەزۆکی دووەمی کاتێکە کە پێشتر خانمان دووگیان بوون (چ لەبار بوون بێت، چ منداڵێکی تەندروست بێت)، بەڵام دوا بە دوای ئەوە توانای دووگیان بوونیان نامێنێت.

1- هەندێ کێشە کە لە کاتی سکپری یان منداڵبوونی پێشوودا روویداوە وەکو هەڵدڕانی زۆر لە کاتی منداڵبوون، ماوەی زۆری نێوان سەرئاو تەقین و منداڵبوون، هەوکردنی دوای منداڵبوون، مانەوەی بەشێکی بچوک لە وێلاش لە منداڵدان لە دوای منداڵبووندا و هەوکردنی دوابەدوای ئەوە.

2- کێشەکانی سووڕی مانگانە.

3- هەوکردن لە ئەنجامی نەخۆشییە جنسییە گواستراوەکان یان لە ئەنجامی جووتبوون.

4- زۆربوونی تەمەن.

5- زۆربوونی کێشی لەش.

6- هۆکاری دەوروبەر و ستایلی ژیان.

7- نەخۆشییە رۆماتیزمییەکان.

8- خراپ بوونی جۆرێتی تۆی پیاو و بڕی تۆوەکان.

9- هۆکارە نەزانراوەکان.

 ئەو هۆکارانەی کە دەبێتە هۆی نەزۆکی دووەمی، هەندێکیان هۆکاری ئافرەتان، هەندێکیان هی پیاوان، هەندێ کاتیش بەهۆی کێشە نەزانراوەکان دروست دەبن, هۆکاری نەزۆکی و دەرمانی نەزۆکی لە هەردوو جۆری نەزۆکیدا واتە نەزۆکی سەرەتایی و نەزۆکی دووەمی تاڕادیەکی زۆر لە یەکدەچن.

س.س