مەودا میدیا-

دکتۆر کامه‌ران رەسوڵ ژاژڵه‌یی، پسپۆڕی زانستی خۆراک لە بابەتێکدا باس لە گرنگی و سوودەکانی زەردەچەوە دەکات بۆ تەندروستیی مرۆڤ، ئەوانیش:

1- دژە هەوکردنێکی زۆر بە هێزە, کۆمەڵێک مادەی دژە ئۆکسان و مادەی دژی ڤایرۆس و بەکتریا و کەڕووی تێدایە, بێجگە لە بوونی تایبەتمەندی دژی شێرپەنجە و  هەوکردن.

2- چارەسەری سروشتی هەوکردنی جومگەکان وێنەی سەوەفان.

3- پاکردنەوەی برین و  چارەسەری هەوکردنی برین و یارمەتی زوو ساڕێژبوونی برین.
 
4- چارەسەری نەخۆشی سەدەفە.

5- چارەسەری رەبۆ, یارمەتی خۆپاراستن و چارەسەری هەوکردنی کۆئەندامی هەناسە لەوانەی رەبۆیان هەیە.
 
6- خۆپاراستن لە هەڵامەت و ئەنفلۆنزا و  پەتا.
 
7- بەهێزکردنی کۆئەندامی بەرگریی لەش.

8- خۆپاراستن لە شێرپەنجە ؛ بە هۆی بوونی ماددەی کیومارینەوە, بە تایبەت شێرپەنجەی پڕۆستات و کۆڵۆن و  پێست و لوکیمیا ، هەروەها کەمکردنەوەی کاریگەرە لاوەکیەکانی هەندێ عیلاجی کیمیاوی.

9- یارمەتی جگەر دەدات بۆ پاکردنەوەی جەستە لە ماده ژەهراییەکان.

10- یارمەتی دابەزاندنی کێش و خێرا سووتانی چەوری لەش دەدات.

11- یارمەتی  خۆپاراستن  ئەدات لە تووش بوون بە ئەلزەهایمەر  یان درەنگ تووشبوون و  بە سوودە بۆ پاراستنی تەندروستیی مێشک و کۆئەندامی دەمار  و  بەهێز کردنی یادەوەری.

12- یارمەتی کۆنتڕۆڵکردنی  نەخۆشی شەکرە لەگەڵ بوونی کاریگەری  لە رێگرکردن لە نەخۆشی شەکرە جۆری دووەم . 

13- یارمەتی دابەزاندنی کۆلیستڕۆڵی خراپ دەدات، بۆیه گرنگە بۆ خۆپاراستن لە نەخۆشییەکانی دڵ و جەڵتە. 

14- سوودی هەیە لە پاراستنی تەندروستیی پێست، بەهێزکردنی مووەکانی قژ و رێگریکردن لە وەرینی قژ، هەروەها لە چارەسەرکردنی زیبکە و عازەبە.

س.س