مەودا میدیا-

خۆپیشاندانەکانی عیراق بەردەوامی هەیە لە ئەمڕۆش لە خۆپیشاندانەکانی شاری بەسرەدا ژمارەیەک خۆپیشاندەر کوژران و برینداربوون.

بەپێی هەواڵی میدیا عیراقییەکان، ئەمڕۆ 23ی کانونی دووەمی 2020  له‌ پارێزگای به‌سڕه‌، بەهۆی دروستبوونی گرژی ئاڵۆزی لە نێوان خۆپیشاندەران و هێزەئەمنییەکاندا خۆپیشانده‌رێك كوژرا و 7ی دیکەش تریش برینداربوون.

جێگای ئاماژەیە، ماوەی دوو مانگ زیاترە خۆپیشاندان و ناڕەزایەتییەکان لە شارەکانی بەغدا بەردەوامی هەیە و بەهۆی دروستبوونی ئاڵۆزییەوە ژمارەیەک لە خۆپیشاندەران کوژراون و برینداربوون، هەروەها لە سەرەتای خۆپیشاندانەکانەوە تاوەکو ئێستا ژمارەیەک لە چالاکوانی مەدەنی کوژران و رفێندراون لەلایەن کەسی نەناسراوەوە.