مەودا میدیا-

ئه‌نجومه‌نی باڵای دادوه‌ری عیراق بڕیاریدا بە راگرتنی کارەکانی دادگای فیدڕاڵی عیراق لە ئەمڕۆشەوە کار بە بڕیارەکە دەکرێت.

بەپێی نوسراوێکی ئەنجومەنی باڵای دادوەری عیراق کە  ئه‌مڕۆ 23ی كانوونی دووه‌می 2020 ده‌رچووه‌ و تێیدا هاتووە، کە ئەنجومەنی دادوەری سەرجەم دامه‌زراوه‌ و دادگاكان ئاگادار ده‌كاته‌وه‌، كه‌ كار به‌ هیچ بڕیارێكی دادگای فیدڕاڵی عیراق نه‌كه‌ن، چونكه‌ ژماره‌ی یاسایی ئه‌ندامانی ته‌واو نییه‌، بۆیە بڕیارەکانی دەستووریی و شەرعی نییە.

هۆکاری ئەم بڕیارەش بۆ ئەوە دەگەڕێتەوە، کە دادوه‌ر فاروق سامی، ئەندامی دادگاکە خانه‌نشین كراوه بەمەش ژمارەی یاسایی ئەندامانی لەدەستداوە.