مەودا میدیا-

وه‌زیری ته‌ندروستیی حکومەتی هەرێمی کوردستان رایگه‌یاندووە عیراق بڕی یه‌ك ملیۆن و 750 هه‌زار ژه‌م ڤاكسینی فایزه‌ری كڕیوه، باسی لەوەش کردووە هه‌وڵه‌كانیان بۆ دابینكردنی ڤاكسینی كۆرۆنا به‌رده‌وامە.

د. سامان به‌رزنجی، وه‌زیری ته‌ندروستیی حکومەتی هەرێمی کوردستان دەڵێت "به‌غدا داوای ژماره‌ و ناوی كارمه‌ندان و ستافی پزیشكی كردووه بۆ ناردنی بڕی پێویست لە ڤاكسینی فایزه‌ری دژە کۆرۆنا".

 وەزیری تەندروستی دەشڵێت "ڤاكسینی فایزه‌ری ئه‌وله‌ویه‌تی یه‌كه‌م بۆ ئه‌وانه‌ن كه‌ له‌ سه‌نته‌ره‌كانی به‌ره‌نگاربوونه‌وه‌ی كۆرۆنا كار ده‌كه‌ن، تا ڤاكسینه‌كه‌ وه‌ربگرن".

د. سامان به‌رزنجی باسی لەوەش کردووە "عیراق بڕی یه‌ك ملیۆن و 750 هه‌زار ژه‌م ڤاكسینی فایزه‌ری كڕیوه‌ و به‌پێی ژماره‌ی دانیشتووان دابه‌شی ده‌كات به‌سه‌ر پارێزگاكانی عیراقدا".

ک. ر