کوردستانی
یەکێتی بەڵێن بە کەرکوکییەکان دەدات
مەودا میدیا - سلێمانی |
مەودا میدیا-
ئەنجومەنی سەرکردایەتیی یەکێتیی نیشتیمانیی کوردستان لە یادی مورافەکەی سەرۆک مام جەلالدا راگەیەندراوێکی بڵاوکردەوە و رایدەگەیەنێت یەکێتی ئەو ھێزەیە کە،وەک چۆن تەنھا لە پاراستنی شارەکەدا لە تیرۆریستانی داعش زیاتر لە ھەزار رۆڵەی قارەمانی خۆی لە پێشمەرگەو فەرماندەکانی کردە قوربانی، ئاوھاش ئەبێتە ھێزی بنەڕەتیی داکۆکیکردن لە خەباتی رەوای گەلەکەمان لە پێناوی کەرکوک و تەواوی ناوچە کوردستانییەکاندا.
لە راگەیەندراوەکەدا هاتووە "17 ساڵ لەمەوبەر و لە کۆبوونەوەیەکی گرنگی ئەندامانی ئەنجومەنی حوکمی عیراقدا، سەرۆک مام جەلال، یەکەمین بەردی بناغەی خەباتی دەستووری و یاسایی بۆ یەکلاکردنەوەی دۆزی کەرکوک و ناوچە دابڕاوەکان دانا، کاتێک وەک رابەرێکی شارەزاو پڕ ئەزموون و لە ساتەوەختێکی مێژوویی تایبەتدا کە تیایدا بنەماکانی عیراقی نوێ دادەڕێژرا، راشکاوانە و بە پشتبەستن بە بەڵگەنامە مێژووییەکان و نەخشەیەکی رەسەنی سەردەمی فەرمانڕەوایی عوسمانییەکان، ئەو بەڵگەنەویستەی سەلماندەوە کە کەرکوک لە عیراقدا لە بەشە کوردستانییەکەدایە نەک ھەر بە نەخشە، بەڵکو بە راستییە دیموگرافی و ئامارییەکانیش".
ئاماژە بەوەشکراوە "ساڵیادی مورافەعە گەورەکەی سەرۆک مام جەلال، ھەر رووداوێک نەبوو بۆ ئەوەی ئەو راستییە مێژووییە لە بارەی کەرکوکەوە لە ناوەندی سیاسیی باڵای عیراقدا بچەسپێت کە لەو سەردەمەدا ئەنجومەنی حوکم بوو، بەڵکو مورافەعەکە بوو بە بەردی بناغەی خەباتی دەستووری و دیموکراتی و یاساییش بۆ دۆزی کەرکوک، ھیچ بیانووەیەکیش نەمایەوە بۆ ئەوەی ئەم دۆزە لە دەستووری عیراقدا جێگای نەکرێتەوە، بۆیە مورافەعەکەی سەرۆک تاڵەبانی ھەم ھەوێنی مادەی 58 بوو لە یاسای کارگێڕیی کاتیی دەوڵەتی عیراقدا، ھەم سەرچاوەیەکیش بوو بۆ داڕشتنی مادەی 140ی دەستووری ھەمیشەیی عیراق، لەو کاتەشەوە بۆ ئەمڕۆ، یەکێتیی نیشتمانیی کوردستان، باوەڕی تەواوی بە خەباتی دەستووری و دیموکراتی ھەیە لە پێناوی دۆزی کەرکوک و ناوچە کوردستانییەکانی تر، ھیچ رووداو و ھەلومەرجێکی ئاسایی و نائاسایی-یش رێگە لەم خەباتەی ناگرێت، بەڵێنیش بە خەڵکی کەرکوک و کەرکوکییەکانیش دەدات کە درێژەپێدەری ئەو خەباتە دەستووری و دیموکراتییەی سەرۆک تاڵەبانی-یە، دوور لە زێدەڕۆیی سیاسی و لەسەر بنەمای رەچاوکردنی بەرژەوەندیی باڵای کەرکوکییەکان و پرەنسیپی پێکەوەژیانی ھەموو نەتەوەو پێکھاتەکانی پارێزگاکە، ئەرکەکانی خۆی جێبەجێدەکات.".
لە راگەیەندراوەکەشدا هاتووە "خەڵکی خۆڕاگری کەرکوک، کە لە دوای پرۆسەی ئازادیی عیراقەوە لە ھەموو ھەڵبژاردنەکاندا یەکێتیی نیشتمانیی کوردستانییان وەک ھێزی متمانە پێکراوی راستەقینەی خۆیان دەزانن و لە رێگەی پرۆسە دیموکراتییەکانەوە مافی نوێنەرایەتیکردنی گەلەکەمانیان پێ بەخشیوە، شایستەی ھەموو خزمەت و خەباتێکن کە سەقامگیری و پێکەوە ژیان و گوزەرانێکی باشتریان بۆ دابین بکات، یەکێتییش ئەو ھێزەیە کە،وەک چۆن تەنھا لە پاراستنی شارەکەدا لە تیرۆریستانی داعش زیاتر لە ھەزار رۆڵەی قارەمانی خۆی لە پێشمەرگەو فەرماندەکانی کردە قوربانی، ئاوھاش ئەبێتە ھێزی بنەڕەتیی داکۆکیکردن لە خەباتی رەوای گەلەکەمان لە پێناوی کەرکوک و تەواوی ناوچە کوردستانییەکاندا".
س.س
ئەنجومەنی سەرکردایەتیی یەکێتیی نیشتیمانیی کوردستان لە یادی مورافەکەی سەرۆک مام جەلالدا راگەیەندراوێکی بڵاوکردەوە و رایدەگەیەنێت یەکێتی ئەو ھێزەیە کە،وەک چۆن تەنھا لە پاراستنی شارەکەدا لە تیرۆریستانی داعش زیاتر لە ھەزار رۆڵەی قارەمانی خۆی لە پێشمەرگەو فەرماندەکانی کردە قوربانی، ئاوھاش ئەبێتە ھێزی بنەڕەتیی داکۆکیکردن لە خەباتی رەوای گەلەکەمان لە پێناوی کەرکوک و تەواوی ناوچە کوردستانییەکاندا.
لە راگەیەندراوەکەدا هاتووە "17 ساڵ لەمەوبەر و لە کۆبوونەوەیەکی گرنگی ئەندامانی ئەنجومەنی حوکمی عیراقدا، سەرۆک مام جەلال، یەکەمین بەردی بناغەی خەباتی دەستووری و یاسایی بۆ یەکلاکردنەوەی دۆزی کەرکوک و ناوچە دابڕاوەکان دانا، کاتێک وەک رابەرێکی شارەزاو پڕ ئەزموون و لە ساتەوەختێکی مێژوویی تایبەتدا کە تیایدا بنەماکانی عیراقی نوێ دادەڕێژرا، راشکاوانە و بە پشتبەستن بە بەڵگەنامە مێژووییەکان و نەخشەیەکی رەسەنی سەردەمی فەرمانڕەوایی عوسمانییەکان، ئەو بەڵگەنەویستەی سەلماندەوە کە کەرکوک لە عیراقدا لە بەشە کوردستانییەکەدایە نەک ھەر بە نەخشە، بەڵکو بە راستییە دیموگرافی و ئامارییەکانیش".
ئاماژە بەوەشکراوە "ساڵیادی مورافەعە گەورەکەی سەرۆک مام جەلال، ھەر رووداوێک نەبوو بۆ ئەوەی ئەو راستییە مێژووییە لە بارەی کەرکوکەوە لە ناوەندی سیاسیی باڵای عیراقدا بچەسپێت کە لەو سەردەمەدا ئەنجومەنی حوکم بوو، بەڵکو مورافەعەکە بوو بە بەردی بناغەی خەباتی دەستووری و دیموکراتی و یاساییش بۆ دۆزی کەرکوک، ھیچ بیانووەیەکیش نەمایەوە بۆ ئەوەی ئەم دۆزە لە دەستووری عیراقدا جێگای نەکرێتەوە، بۆیە مورافەعەکەی سەرۆک تاڵەبانی ھەم ھەوێنی مادەی 58 بوو لە یاسای کارگێڕیی کاتیی دەوڵەتی عیراقدا، ھەم سەرچاوەیەکیش بوو بۆ داڕشتنی مادەی 140ی دەستووری ھەمیشەیی عیراق، لەو کاتەشەوە بۆ ئەمڕۆ، یەکێتیی نیشتمانیی کوردستان، باوەڕی تەواوی بە خەباتی دەستووری و دیموکراتی ھەیە لە پێناوی دۆزی کەرکوک و ناوچە کوردستانییەکانی تر، ھیچ رووداو و ھەلومەرجێکی ئاسایی و نائاسایی-یش رێگە لەم خەباتەی ناگرێت، بەڵێنیش بە خەڵکی کەرکوک و کەرکوکییەکانیش دەدات کە درێژەپێدەری ئەو خەباتە دەستووری و دیموکراتییەی سەرۆک تاڵەبانی-یە، دوور لە زێدەڕۆیی سیاسی و لەسەر بنەمای رەچاوکردنی بەرژەوەندیی باڵای کەرکوکییەکان و پرەنسیپی پێکەوەژیانی ھەموو نەتەوەو پێکھاتەکانی پارێزگاکە، ئەرکەکانی خۆی جێبەجێدەکات.".
لە راگەیەندراوەکەشدا هاتووە "خەڵکی خۆڕاگری کەرکوک، کە لە دوای پرۆسەی ئازادیی عیراقەوە لە ھەموو ھەڵبژاردنەکاندا یەکێتیی نیشتمانیی کوردستانییان وەک ھێزی متمانە پێکراوی راستەقینەی خۆیان دەزانن و لە رێگەی پرۆسە دیموکراتییەکانەوە مافی نوێنەرایەتیکردنی گەلەکەمانیان پێ بەخشیوە، شایستەی ھەموو خزمەت و خەباتێکن کە سەقامگیری و پێکەوە ژیان و گوزەرانێکی باشتریان بۆ دابین بکات، یەکێتییش ئەو ھێزەیە کە،وەک چۆن تەنھا لە پاراستنی شارەکەدا لە تیرۆریستانی داعش زیاتر لە ھەزار رۆڵەی قارەمانی خۆی لە پێشمەرگەو فەرماندەکانی کردە قوربانی، ئاوھاش ئەبێتە ھێزی بنەڕەتیی داکۆکیکردن لە خەباتی رەوای گەلەکەمان لە پێناوی کەرکوک و تەواوی ناوچە کوردستانییەکاندا".
س.س
بیروڕا
