مەودا میدیا- 

ئەمڕۆ ئەنجومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆكی حكومەتی هەرێمی کوردستان کۆدەبێتەوە، لە کۆبوونەوەکەدا  دواپێشهاتەکانی پرۆژە یاسای بودجەی عیراق و هەرێم بۆ ساڵی 2021 دەخرێتەڕوو.

فەرمانگەی میدیا و زانیاری حکومەتی هەرێمی کوردستان بڵاویکردووەتەوە، ئەنجومەنی وەزیرانی هەرێمی کوردستان پێش نیوەڕۆی ئەمڕۆ چوارشەممە 10ی شوباتی 2021، بە سەرپەرشتیی مەسرور بارزانی، سەرۆكی حكومەتی هەرێمی کوردستان و ئامادەبوونی قوباد تاڵەبانی، جێگری سەرۆكی حكومەت بۆ تاوتوێكردنی چەند پرسێک کۆدەبێتەوە.

وەک ئاماژەی پێدراوە، لە کۆبوونەوەکەی ئەمڕۆی ئەنجومەنی وەزیراندا دواپێشهاتەکانی پڕۆژە بودجەی عیراق و هەرێم بۆ ساڵی 2021 دەخرێتەڕوو، هەروەها ئاستی جێبەجێکردنی بڕیارەکانی تایبەت بە چاکسازیش دەخرێتەڕوو.

س.س