مەودا میدیا-

ئەندامێکی لیژنەی دارایی لە ئەنجومەنی نوێنەرانی عیراق رایدەگەیەنێت ئه‌وه‌ی ئێمه‌ پێشبینی ده‌كه‌ین تائێستا له‌ناو لیژنه‌ی دارایی و له‌ناو هێزه‌ سیاسییه‌كان ئه‌وه‌یه‌ كه‌ به‌بێ رێككه‌وتن حكومه‌تی عیراقی هیچ بڕه‌پاره‌یه‌ك بۆ هه‌رێمی كوردستان نانێرێت.

شیروان میرزا، ئەندامی لیژنەی دارایی لە ئەنجومەنی نوێنەرانی عیراق لەبارەی رێککەوتنی هەولێر و بەغداوە قسەی بۆ دەنگی ئەمەریکا کردووە و دەڵێت "له‌به‌رانبه‌ردا هه‌موو لایه‌نه‌كان به‌تایبه‌تی لایه‌نه‌ شیعه‌كان چه‌ند پێشنیازێكیان هێناوه‌، ئێمه‌ هه‌ندێك له‌و پێشنیازانه‌مان ره‌تكردۆته‌وه‌ به‌و پێیه‌ی پێمان وابووه‌ ناده‌ستورییه‌، بۆ نموونه‌ راده‌ستكردنی هه‌موو مه‌له‌فی نه‌وت بە عیراق به‌بێ ئه‌وه‌ی هه‌رێم به‌شداربێت یان راده‌ستكردنی كێڵگه‌ نه‌وتییه‌كان به‌بێ هه‌رێم".

میرزا دەشڵێت "كێشه‌كه‌ له‌و بڕه‌ نه‌وته‌دایه‌ كه‌هه‌رێمی كوردستان ئاماده‌یی هه‌یه‌ بیداته‌ كۆمپانیای سۆمۆ، بیداته‌ عیراق كه‌عیراقییه‌كان داوای له‌وه‌ زیاترده‌كه‌ن".

باسی ئەوەش دەکات "گرفتی ئه‌م پرۆژه‌ یاسایه‌ ئه‌وه‌یه‌ كه‌هی پێش هه‌ڵبژاردنه‌، پێش هه‌ڵبژاردن موزایه‌دات زیاد ده‌كات په‌رله‌مانتار و كوتله‌ی سیاسی بۆ شه‌قام قسه‌ ده‌كات ئه‌مه‌ وایكردووه‌ تۆزێك هێزه‌ سیاسییه‌كان به‌وه‌ رازی نه‌بن و سه‌قفی داواكارییه‌كانیان زیاد بكات به‌رانبه‌ر كورد، وه‌ كوردیش له‌به‌رانبه‌ردا پێداگری له‌سه‌ر ئه‌م ده‌قه‌ی حكومه‌ت ده‌كات كه‌ هه‌یه‌".

ئاماژی بەوەش کردووە "ئه‌وه‌ی ئێمه‌ پێشبینی ده‌كه‌ین تائێستا له‌ناو لیژنه‌ی دارایی و له‌ناو هێزه‌ سیاسییه‌كان ئه‌وه‌یه‌ كه‌ به‌بێ رێككه‌وتن حكومه‌تی عیراقی هیچ بڕه‌پاره‌یه‌ك بۆ هه‌رێمی كوردستان نانێرێت".

ک.ر