مەودا میدیا-

وەزارەتی دارایی و ئابووریی حکومەتی هەرێمی کوردستان روونکردنەوەیەکی بڵاوکردەوە لەبارەی  ده‌ركردنی فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومركی دەروازەکە.

لە روونکردنەوەکەدا هاتووە "ماوه‌ی چه‌ند رۆژێكه‌ له‌ میدیاكانەوە هه‌واڵی ده‌ركردنی فه‌رمانی ده‌ستگیركردن بۆ به‌رپرسانی ده‌روازه‌ی په‌روێزخان و گومرك به‌ مه‌به‌ست بڵاوده‌كرێته‌وه‌. به‌ پێویستی ده‌زانین هه‌موو لایه‌ك ئاگادار بكەینەوە، كه‌ فه‌رمانبه‌ر و به‌رپرسانی ده‌روازه‌و گومرك كاری خۆیان به‌ پێی یاسا و رێنمایه‌كان ئه‌نجام ده‌ده‌ن و ئه‌م بابه‌ته‌ هیچ لێكدانه‌وه‌ی دیكه‌ هه‌ڵناگرێت".

ئاماژە بەوەشکراوە "ئه‌م پرسه‌ ده‌رئه‌نجامی‌ پابه‌ندی ته‌واوی به‌رێوبه‌رانه‌ به‌ فه‌رمانی وه‌زاره‌تمان و له‌ داهاتوودا روونكردنه‌وه‌و ورده‌كاری زیاتر ده‌خه‌ینه‌ڕوو".

س.س