مەودا میدیا-

دەزگای گشتی کاروباری مین لە سلێمانی ئاشکرای کرد سێ تۆن مین و تەقەمەنیان لە ناحیەی بازیان تەقاندووەتەوە، ئاماژەی بەوەشکردووە لە ئۆپەراسیۆنێکدا توانرا ئەو بڕە مین و تەقەمەنییە بتەقێنرێتەوە.

لە راگەیەندراوێکدا دەزگای گشتی کاروباری مین لە سلێمانی رایگەیاند "تیمی لابردنی مین و تەقەمەنی بۆ ماوەی زیاتر لە شەش رۆژە خەریکی پوچەڵکردنەوە و هەڵگرتنەوەی مینن".

ئاماژە بەوەشکراوە "تیمەکە توانیویەتی سێ تۆن مین و تەقەمەنی لە سنوری ناوچەی بازیان بدۆزێتەوە، کە پێكهاتبوون لە 242 هەزار پارچە تەقەمەنی و 11 مین و بۆمبی چێنراو"، هەروەها ئەوەش خراوەتەڕوو "لە ئۆپەراسیۆنێکدا توانرا ئەو بڕە مین و تەقەمەنییە بتەقێنرێتەوە و لەناوببرێت".

س.س