مەودا میدیا-

بەڕێوەبەری تاقیگەی تەندروستیی هەولێر زانیاری نوێ لەبارەی تووشبووانی کۆرۆنای نوێوە ئاشکرا دەکات، ئه‌مڕۆ یه‌كشه‌ممه‌ 21/2/2021، د. ئاسۆ حەوێزی، وتەبێژی وەزارەتی تەندروستیی هەرێمی کوردستان رایگەیاندبوو "له‌ هه‌رێمى كوردستان پێنج كه‌س تووشى جۆره‌ نوێیه‌كه‌ى كۆرۆنا بوون، كه‌ پێشتر گومانیان له‌سه‌ر هه‌بوو".

 دکتۆر موحسین ئەحمەد دزەیی، بەڕێوەبەری تاقیگەی تەندروستیی هەولێر دەڵێت "تووشبووانی کۆرۆنای گۆڕاو 3 ژن و دوو پـیــاون" و دەشڵێت "تووشبووانی کۆڕۆنای نوێ تەمەنیان لەنێوان 30بۆ 50ساڵە".


بەڕێوەبەری تاقیگەی تەندروستی هەولێر باسی لەوەش کردووە "چەند حاڵەتێکی دیکە گومانیان لەسەرە، هێشتا دڵنیانین لەوەی جۆره‌ نوێیه‌كه‌ى كۆرۆنا بن، بەڵام پشکنینی پێویستیان بۆ دەکرێت".

ک. ر