مەودا میدیا-

حكومه‌تی هه‌رێمی كوردستان به‌ توندی هێرشكردنه‌ سه‌ر په‌رله‌مانتار غالب محه‌مه‌د له‌ شاری سلێمانی شه‌رمه‌زار ده‌كات و ئاماژە بەوەدەکات، لایەنە ئەمنییەکان بۆ دۆزینه‌وه‌ی هێرشكاره‌كان‌ راسپێردراون.

جوتیار عادل، وتەبێژی حکومەتی هەرێمی کوردستان رایگەیاند "حكومه‌تی هه‌رێمی كوردستان به‌ توندی هێرشكردنه‌ سه‌ر په‌رله‌مانتار غالب محه‌مه‌د له‌ شاری سلێمانی شه‌رمه‌زار ده‌كات".

ئاماژە بەوەشدەکات "لایه‌نه‌ ئه‌منییه‌كان بۆ دۆزینه‌وه‌ی هێرشكاره‌كان‌ راسپێردراون، بۆ ئه‌وه‌ی كه‌ به‌ زووترین كات رووبه‌ڕووی یاسا بكرێنه‌وه‌، هەروەها هاوڵاتییانی هه‌رێمی كوردستان دڵنیا ده‌كه‌ینه‌وه‌، حكومه‌تی هه‌رێمی كوردستان ته‌واوی هه‌وڵی خۆی بۆ پاراستنی گیانی هاوڵاتییان له هه‌ر‌ پێگه‌ و پۆستێكدا بن، ده‌خاته‌ گه‌ڕ و هه‌ر جۆره هێرشێك بۆ سه‌ر هاوڵاتییان به‌بێ سزای یاسایی تێپه‌ڕ نابێت".

ئەمەش دوای ئەوە دێت، شەوی رابردوو غالب محەمەد، ئەندامی ئەنجومەنی نوێنەرانی عیراق لە بەردەم ماڵەکەی خۆیدا هێرشکرایە سەری و بریندار کرا.

س.س