مه‌ودا میدیا-

ئه‌مڕۆ شه‌ممه‌ له‌ خۆپیشاندانه‌كانی زیقاردا 3 خۆپیشانده‌ر كوژران و 13 خۆپیشانده‌ر برینداربوون، كوژراو و برینداره‌كان ئاسه‌واری گوللـه‌ و بۆمبی فرمێسك رێژییان پێوه‌یه‌.

ئه‌مڕۆ شه‌ممه‌ 25ی كانونی دووه‌می 2020 له‌ درێژه‌ی خۆپیشاندانه‌كانی شاره‌كانی ناوه‌ڕاست و خوارووی عیراق، له‌ شاری زیقار هێزه‌ ئه‌منییه‌كان به‌رامبه‌ر خۆپیشانده‌ران توندوتیژیان به‌كارهێنا و به‌و هۆیه‌وه‌ 3 خۆپیشانده‌ر كوژران و 13ی تر برینداربوون. 

ئه‌مه‌ دوای ئه‌وه‌ هاتووه‌، ئه‌مڕۆ هێزێكی زۆری ئه‌منی له‌ شاری به‌غدا بڵاوه‌یان پێكرا و شه‌ڕ و توندوتیژی له‌نێوان خۆپیشانده‌ران و هێزه‌ ئه‌منییه‌كاندا دروست بوو.