مەودا میدیا-

خۆپیشاندان و ئاڵۆزییەکانی عیراق بەردەوامی هەیە و دوێنێش بەهۆی دروستبوونی گرژی و ئاڵۆزییەوە ژمارەیەک خۆپیشاندەر لە شارەکانی عیراق کوژران و برینداربوون.

بەپێی هەواڵی میدیا عیراقییەکان، لە خۆپیشاندانەکانی دوێنێ شەممە لە بەغدا سێ خۆپیشاندەر و لە زیقار دوو خۆپیشاندەر كوژراون و دەیانی دیکەش برینداربوون.

ئەمەش لەکاتێکدایە، نزیکەی چوار مانگ دەبێت رۆژانە بەردەوام خۆپیشاندان لە شارەکانی عیراق بەڕێوەدەچێت لە سەرەتای خۆپیشاندانەکانەوە تاوەکو ئێستا ژمارەیەکی زۆر لە خۆپیشاندەران کوژراون و برینداربوون، هەروەها تاوەکو ئێستاش خۆپیشاندانەکان بەردەوامی هەیە.