مەودا میدیا-

وەزارەتی تەندروستیی میسر بڵاویکردەوە، ئەمڕۆ هەینی 26ی ئاداری 2021، بەهۆی پێکادانی دوو شەمەندەفەرەوە، 32 کەس گیانیان لەدەستداوەو، 108 کەسیش برینداربوون.

د. خالد مجاهد، جێگری وەزیری تەندروستیی میسر، رایگەیاند "لە ناوچەیەکی سەر بە پارێزگای سوهاج، دوو شەمەندەفەر لەیەکیانداوەو، بەهۆیەوە 32 کەس گیانیان لەدەستداوەو 108 برینداریش بەهۆی ئەو  رووداوەوە هەیە".

مجاهد، راشیگەیاند "بریندارەکان گوازراونەتەوە بۆ نەخۆشخانەو پێداویستی پزیشکی پێویستیش هەیە بۆ چارەسەرکردنیان".

هاوکات د. هالە زاید، وەزیری تەندروستی میسر، رۆشتۆتە پارێزگای سوهاج-ی کردووە و سەردانی بریندارانی رووداوەکەی کردووەو هەموو ئامادەییەکی بۆ چارەسەرکردنی بریندارانی رووداوەکە راگەیاندووە.

ه.ع