مه‌ودا میدیا-

دوای هێرشه‌ مووشه‌كییه‌كه‌ی ئه‌مشه‌وی سه‌ر باڵیۆزخانه‌ی ئه‌مریكا له‌ به‌غدا عادل عه‌بدولمه‌هدی، فه‌رمانده‌ی گشتی هێزه‌ چه‌كداره‌كانی عیراق به‌یاننامه‌یه‌كی ناڕه‌زایی بڵاو كرده‌وه‌ و ئیدانه‌ی هێرشه‌كه‌ی كرد.

له‌ به‌یاننامه‌كه‌دا هاتووه‌ "ئه‌م جۆره‌ كرده‌وانه‌ به‌ده‌ر له‌ ياسان و ئیدانه‌ی ده‌كه‌ین، چونكه‌ ده‌بنه‌ هۆی لاوازكردنی ده‌وڵه‌ت و سه‌روه‌رییه‌كه‌ی و رێزی نوێنه‌رایه‌تییه‌ دیبلۆماسییه‌كان له‌ عیراق".

له‌ به‌شێكی تری به‌یاننامه‌كه‌دا هاتووه‌ " فه‌رمانمان به‌ هێزه‌كانمان كردووه‌ هه‌وڵه‌كانیان بخه‌نه‌ گه‌ڕ بۆ پشكنین و رێگریكردن له‌و ده‌ستدرێژییانه‌ و هه‌وڵدان بۆ ده‌ستگیركردنی ده‌ستدرێژی كه‌ران".