مەودا میدیا- سازگار ئەحمەد

لەکاتی بەربانگدا پێش خواردنی ژەمی سەرەکی پێویستە قاپێک سوپ بخورێتەوە تاوەکو گەدە ئامادەبێت بۆ خواردنی سەرەکی و سوپی مریشک بە برنجیش یەکێکە لە سوپە بەتام و تەندروستەکان، شێوازی دروستکردنەکەشی بەم شێوازەیە:

پێداویستییەکان

- سنگی مریشکی کوڵاو و پارچە پارچە کراو.

- 2 کوپ برنجی خڕ.

- نیو کوپ کەرە.

- 1 پیازی جنراو.

- خوێ و بیبەری رەش.

- 1 کەوچکی بچوک کاری.

- 2 کەوچکی چێشت شویتی جنراو.

- 6 کوپ ئاو.

- 2 ماجی یان بەهارات.

- نیو کوپ گێزەری جنراو.

- 3-4 کوپ ئارد.

- 200 گرام قارچک.

- 2 کوپ خامە لەگەڵ کەمێک ئاو.


چۆنیەتی ئامادەکردنەکەی

- پێویستە کەرەکە بخرێتە سەر ئاگر ئینجا پیازەکەی لەگەڵ سووردەکەینەوە لە ناوی، پاشان گێزەرەکەی تێدەکەین دواتر قارچکەکە، بە باشی تێکیدەدەین دواتر ئاردەکەی تێدەکەین و تێکی دەدەین، دواتر ماجیەکەی تێدەکەین و وردە وردە ئاوەکە دەکەینە ناوی تاوەکو دەکوڵێت، پاشان خوێ و شویت و برنج و سنگی مریشکەکە و بیبەری رەش و کاریەکەی تێدەکەین، خامەکە دەکەین بەسەریدا بۆ ماوەی نیو کاتژمێر لەسەر ئاگر دایدەنێین و دواتر ئامادە دەبێت و دەتوانیت پێشکەشی بکەیت.

س.س