مەودا میدیا- سەباح خضر 

یانەی ریاڵ مەدریدی ئیسپانی بەشێوەیەکی فەڕمی تووشی بوونی سیرجیو رامۆسی بەرگریکاری یانەکەی بە ڤایرۆسی کۆرۆنا راگەیاند.

رامۆس ماوەیەکە تووشی پێکان بوو و لە یاریگاکان دوورکەوتۆتەوە، بەڵام بەهۆی کۆرۆناوە بۆ ماوەیەکی دیکە ناتوانێت بەشداری بکات لە یاری یانەکەی.

یانەی شاهانە لە پێگەی فەڕمی تایبەت بە خۆی ئەوەی بڵاوکردۆتەوە :کە پشکنینی پزیشکی بۆ رامۆس ئەنجامدراوە و دەرکەوتووە کە ئەو یاریزانە  تووشی کۆرۆنا بووە بۆیە بۆ ماوەی چواردە رۆژ دەبێت کەرەنتینە بکرێت، بەو هۆیەشەوە ناتوانێت بەشداری چوار یاری یانەکەی بکات بەرانبەر بە یانەکانی لیڤەرپوڵ و خیتافی و قادیش و ریال بیتس.