ئابووری
پێدانه‌وه‌ى سێ مووچه‌كه یه‌كلایی بووه‌ته‌وه؟
مەودا میدیا - سلێمانی |
مه‌ودا میدیا-
له ماوه‌ى رابردوودا وا بڵاوبووه‌وه كه ئه‌نجومه‌نى وه‌زیرانى عیراق به نووسراو ره‌زامه‌ندى ده‌ربڕیوه له سه‌ر پێدانى سێ مووچه فه‌وتاوه‌كه‌ى فه‌رمانبه‌رانى هه‌رێم، به‌ڵام ئه‌ندامێكى لیژنه‌ى دارایی له په‌رله‌مانى عیراق رایده‌گه‌یه‌نێت، هێشتا ئه‌و بابه‌ته یه‌كلایی نه‌بووه‌ته‌وه و له هه‌وڵداین بۆ ئه‌وه‌ى بگه‌ینه ئه‌نجام.
سۆران عومه‌ر، ئه‌ندامى لیژنه‌ى دارایی له په‌رله‌مانى عیراق بۆ مه‌ودا میدیا رایگه‌یاند، له‌گه‌ڵ 25 په‌رله‌مانتاری تردا داوامان له ئه‌نجومه‌نى وه‌زیرانى عیراق كردووه له‌گه‌ڵ هه‌رێم به داهاتى ناوخۆ و پاڵپشت به بڕیارى دادگاى فیدراڵى، ئه‌و سێ مووچه‌یه‌ى كه نه‌دراوه به فه‌رمانبه‌رانى هه‌رێم له ساڵى رابردوودا پێانبدرێته‌وه.
وتیشى، نوسینگه‌ى ئه‌نجومه‌نى وه‌زیرانى عیراقیش به نووسراو وه‌ڵامیان داوینه‌ته‌وه كه ئه‌وان پابه‌ندن به یاساى بودجه و دادگاى فیدراڵىیه‌وه.
ئاماژه‌ى به‌وه‌شكرد، له ئێستادا قسه‌ى ته‌واوى له‌سه‌ر ناكه‌م چونكه هێشتا هه‌وڵى تر ماوه و یه‌كلایی نه‌بووه‌ته‌وه، هه‌ركات گه‌یشتین به ئه‌نجامى هه‌وڵه‌كه‌مان، ئه‌وكات رایده‌گه‌یه‌نین.
پ ح ع
بیروڕا
