مه‌ودا میدیا-

ئه‌ندامێكى لیژنه‌ى دارایی په‌رله‌مانى عێراق رایده‌گه‌یه‌نێت، سه‌رۆكى حكومه‌تى عیراق پێى وتین به‌شێوه‌ى كاتى چاره‌سه‌رى مووچه‌ ده‌كه‌ین و دواتر هه‌موو فه‌رمانبه‌رانى هه‌رێم ته‌وتین ده‌كرێن.

سۆران عومه‌ر، ئه‌ندامى لیژنه‌ى دارایی په‌رله‌مانى عیراق رایگه‌یاند "محه‌مه‌د سودانى، سه‌رۆكى حكومه‌تى عیراق پێى راگه‌یاندین، ئه‌و فه‌رمانبه‌رانه‌ى كه‌ هه‌ژمارى منیان بۆ كراوه‌، مووچه‌كانیان ده‌ده‌ین، ئه‌وانه‌شى تا ئێستا بۆیان نه‌كراوه‌ له‌ بانكى تى بى ئاى ته‌وتین ده‌كرێن".

باسى له‌وه‌شكرد "سودانى وتى بۆ ئه‌وه‌ى پرۆسه‌ى ته‌وتین دوا نه‌كه‌وێت ئه‌مه‌ وه‌ك چاره‌سه‌رى كاتى ده‌كه‌ین، دواتر ته‌واوى سه‌رجه‌م مووچه‌خۆرانى هه‌رێم له‌ بانكه‌ حكومییه‌كانى عیراق ته‌وتین ده‌كرێن و مووچه‌كانیان ده‌كه‌وێته‌ سه‌ر بانكه‌ عیراقییه‌كان".

ع،ه