مه‌ودا میدیا-

فه‌رمانده‌یی پرۆسه‌ سه‌ربازییه‌كانی به‌غدا خۆپیشانده‌ران تۆمه‌تبار ده‌كات به‌وه‌ی هێرشیانكردووه‌ته‌ سه‌ر هێزه‌ ئه‌منییه‌كان، باس له‌وه‌ش ده‌كات هێزه‌ ئه‌منییه‌كان به‌رده‌وامن له‌سه‌ر پاراستنی خۆپیشانده‌ران.

فه‌رمانده‌یی ئۆپه‌راسیۆنه‌ سه‌ربازییه‌كانی به‌غدا رایگه‌یاند "له‌لایه‌ن خۆپیشانده‌رانه‌وه‌ هێرش كراوه‌ته‌ سه‌ر هێزه‌ ئه‌منییه‌كان و به‌هۆی نارنجۆكه‌وه‌ زیاتر له‌ 7 ئه‌ندامی هێزه‌ ئه‌منییه‌كان برینداربوون".

ئه‌مه‌ له‌ كاتێكدایه‌ باڵیۆزی 16 وڵات له‌ به‌غدا له‌باره‌ی ره‌وشی خۆپیشاندانه‌كانه‌وه‌ له‌ به‌یاننامه‌یه‌كدا نیگه‌رانی خۆیان ده‌ربڕی و ئه‌وه‌یان خسته‌ڕوو "له‌لایه‌ن هێزه‌ چه‌كداره‌كانه‌وه‌ ته‌قه‌ له‌خۆپیشانده‌ران ده‌كرێت و تا ئێستا ژماره‌یه‌ك خۆپیشانده‌ر به‌هۆی گوللـه‌ی هێزه‌ ئه‌منییه‌كان كوژراون یان برینداربوون".