مەودا میدیا- سازگار ئەحمەد

جێگری سەرۆکی لیژنەی پێشمەرگە لە پەرلەمانی کوردستان رایدەگەیەنێت پێش جەژن مووچەی لیوا هاوبەشەکانی سەر بە وەزارەتی پێشمەرگە دابەش دەکرێت، ئاماژە بەوەشدەکات بۆ ئەم مانگەش سێ مووچە دابەش دەکرێت.

عوسمان سێدەری، جێگری سەرۆکی لیژنەی پێشمەرگە لە پەرلەمانی کوردستان بە مەودا میدیای راگەیاند "مووچەی لیوا هاوبەشەکانی وەزارەتی پێشمەرگە لەلایەن هاوپەیمانانەوە دەدرێت و بڕیارە لە سەرەتای مانگی 5ی 2021 واتە پێش جەژن دابەش بکرێت".

لەبارەی ئەوەی بۆ ئەم مانگە چەند مووچەیان پێدەدرێت ناوبراو وتی "بۆ ئەم مانگەش هاوشێوەی مانگی رابردوو سێ مووچەی لیوا هاوبەشەکانی وەزارەتی پێشمەرگە دابەش دەکرێت، ئەگەر گۆڕانکاری بەسەر بڕیارەکەدا نەیەت".

س.س