هێزە چەکدارەکانی ئێران بەردەوامن لە هێرشەکردنە سەر کۆڵبەران و کاسبکاران

کوردستانی

هێزە چەکدارەکانی ئێران بەردەوامن لە هێرشەکردنە سەر کۆڵبەران و کاسبکاران

مەودا میدیا - سلێمانی | 2021/04/29

مەودا میدیا-

لە ماوەی رۆژانی رابردوو کۆڵبەرێکی خەڵکی سەلاسی باوەجانی و کاسبکارێکی خەڵکی داڵاهۆ بە تەقەی راستەوخۆ هێزە چەکدارەکانی پارێزگای کرماشان بریندار کراون.

رێکخراوی مافی مرۆڤی هەنگاو بڵاویکردووەتەوە، ڕرۆژی سێشەممە 27ی نیسانی 2021 هێزە چەکدارەکانی سنووری نەوسوود، تەقەیان لە کاروانێکی کۆڵبەران کردووە و کۆڵبەرێک بریندار بووە.

ئاماژە بەوەشکراوە، ناسنامەی ئەم کۆڵبەرە کە خەڵکی سەلاسی باوەجانییە، بۆ هەنگاو روون بووەتەوە, بەڵام بە هۆکاری ئەمنی و بە داخوازی نزیکانی ناوەکەی بڵاو ناکەنەوە، شایانی باسە ئەم کۆڵبەرە پشت و دەستی بە سەختی بریندار کراوە.

لەلایەکی دیکەوە، ڕۆژی دووشەممە 26ی نیسانی 2021، هێزە چەکدارەکان لە داڵاهۆ بە گوومانی هەڵگرتنی کەل و پەلی قاچاخ تەقەیان لە ئۆتۆمبیلی کاسبکارێک کردووە و شۆفێرەکەی بریندار کراوە.

س.س