مەودا میدیا-

کۆمەڵی دادگەریی کوردستان بە سەربەخۆ بەشداری لە هەڵبژاردنی پێشوەختەی ئەنجومەنی نوێنەرانی عیراق دەکات، ئەمڕۆش ناوی کاندیدەکانی رادەستی کۆمسیۆن کرد.

بەپێی ئەو زانیاریانەی میدیاکانی کۆمەڵی دادگەریی کوردستان بڵاویانکردووەتەوە، کۆمەڵی دادگەریی کوردستان بە سەربەخۆ بەشداری لە هەڵبژاردنی پێشوەختەی ئەنجومەنی نوێنەرانی عیراق دەکات.

ئەمڕۆ هەینی 30ی نیسانی 2021 کۆمەڵی دادگەریی ناوی کاندیدەکانی رادەستی کۆمسیۆنی باڵای سەربەخۆی هەڵبژاردنەکانی عیراق کردووە کە لە پێنج کاندید پێکهاتوون.

بڕیارە لە مانگی 10ی 2021 هەڵبژاردنی پێشوەختەی ئەنجومەنی نوێنەرانی عیراق ئەنجام بدرێت, کۆمسیۆنی باڵای سەربەخۆی هەڵبژاردنەکانی عیراقیش رایگەیاند "لەکاتی خۆیدا هەڵبژاردن بەڕێوەدەچێت".

س.س