مەودا میدیا-

وەزارەتی تەندروستیی توركیا كۆتایی بە قەدەغەی هاتوچۆی گشتی هێنا دوای ئەوەی بەهۆی بەرزبوونەوەی رێژەی تووشبوون و مردن بە پەتای ڤایرۆسی كۆرۆنا لە رۆژی 29ی نیسانی 2021ەوە رایگەیاندبوو.

بەپێی راگەیەندراوی وەزارەتی تەندروستیی توركیا "رۆژی یەكشەممە 10512 كەس تووشی ڤایرۆسی كۆرۆنا بوون و 223 كەسی بەهۆیەوە مردوون".

توركیا لە رووی رێژەی مردنەوە بە پەتای ڤایرۆسی كۆرۆنا لەسەر ئاستی جیهان لە پلەی پێنجەمدا دێت، بەڵام بەگوێرەی ئاژانسی هەواڵی رۆیتەرز و بە وەرگرتنی نموونەی هەفتەیەك، توركیا لە رووی تووشبوونی خەڵكەوە بە پەتای ڤایرۆسی كۆرۆنا لەسەر ئاستی جیهان لە پلەی چوارەمدایە.

ک. ر