مه‌ودا میدیا-

هێزه‌ ئه‌منییه‌كانی عیراق هێرشیانكرده‌ سه‌ر خۆپیشانده‌رانی به‌غدا و تا ئێستا ژماره‌یه‌ك خۆپیشانده‌ر برینداربوون، هێزه‌ ئه‌منییه‌كانیش ده‌ڵێن خۆپیشانده‌ران به‌ به‌بۆمبی ده‌ستی هێرشیان كردووه‌ سه‌ریان.

به‌یانی ئه‌مڕۆ پێنجشه‌ممه‌ 30ی كانونی دووه‌می 2020 خۆپیشاندان و ناڕه‌زایه‌تییه‌كان له‌ به‌غدای پایته‌خت ده‌ستی پێكرده‌وه‌، له‌ ئه‌نجامی رووبه‌ڕووبوونه‌وه‌ی هێزه‌ ئه‌منییه‌كان و خۆپیشانده‌ران 15 خۆپیشانده‌ر برینداربوون.

فه‌رمانده‌ی ئۆپه‌راسیۆنه‌ سه‌ربازییه‌كانی به‌غداش رایگه‌یاند "له‌لایه‌ن خۆپیشانده‌رانه‌وه‌ هێرشكراوه‌ته‌ سه‌ر هێزه‌ ئه‌منییه‌كان و به‌هۆی ته‌قینه‌وه‌ی بۆمبی ده‌ستی ئه‌فسه‌رێك و سه‌ربازێك برینداربوون".