مەودا میدیا-

وەزیری دەرەوەی ئیران ئاشکرایکرد هەڵوەشاندنەوەی گەمارۆکانی سەر ئێران ئەرکی ئەمەریکایە، نەک ئامرازێک بۆ دانوستان، سەردەمی سوودوەرگرتن لە میراتەکانی سەرۆکی پێشووی ئەمەریکا تێپەڕیوە.

محەمەد جەواد زەریف، وەزیری دەرەوەی کۆماری ئیسلامی ئێران لە تۆڕی کۆمەڵایەتیی تویتەر لە جریوەیەکدا رایگەیاند، "هەڵوەشاندنەوەی گەمارۆکانی سەر وڵاتەکەمان ئەرکی ویلایەتە یەکگرتووەکانی ئەمەریکایە و نابێت هەڵوەشاندنەوەی ئەو گەمارۆیانە بکرێتە ئامرازێک بۆ بۆ دانوستان، دەبێت سەرجەم پارە بڵۆککراوەکانی ئێران بگەڕێندرێتەوە".

 

ئاماژەی بەوەشکردووە، "ئەو کارانەی دۆناڵد ترەمپ، سەرۆکی پێشووی ئەمەریکا لەسەردەمی سەرۆکایەتیدا ئەنجامیدان بەکەڵکی نەهاتن بۆیە بەکەڵکی ئێوەش نایەت، سەردەمی سوودوەرگرتن لە میراتەکانی ترەمپ تێپەڕیوە".

 

پ.ح