مه‌ودا میدیا-

په‌رله‌مانتارێكی هاوپه‌یمانی بینا ده‌ڵێت هاوپه‌یمانێتیه‌كه‌یان پابه‌ندی ئه‌و واده‌یه‌ نابێت كه‌ دكتۆر به‌رهه‌م ساڵح، سه‌رۆك كۆماری عیراق دایناوه‌ بۆ دیاری كردنی كاندیدی پۆستی سه‌رۆك وه‌زیرانی عیراق.

سامر زیبان، په‌رله‌مانتاری هاوپه‌یمانی بینا رایگه‌یاند "سه‌رۆك كۆماری عیراق فشاری لایه‌نه‌ ده‌ره‌كییه‌كانی له‌سه‌ره‌ به‌تایبه‌تی ئه‌مریكا، هاوپه‌یمانی بینا پشتگیری له‌ كه‌سێكی نیشتمانی ده‌كات كه‌ له‌ناوخۆی عیراق بێت، بۆئه‌وه‌ی پۆستی سه‌رۆك وه‌زیران وه‌ربگرێت.

سه‌رۆك كۆماری عیراق تا رۆژی شه‌ممه‌ مۆڵه‌تی داناوه‌ بۆ لایه‌نه‌ سیاسییه‌كان بۆ دیاری كردنی كاندیدی سه‌رۆك وه‌زیران، دوای ئه‌و مۆڵه‌ته‌ خۆی كه‌ سێك راده‌سپێرێت بۆ پۆستی سه‌رۆك وه‌زیرانی عیراق.

پێشتر ئه‌حمه‌د حاجی ره‌شید ئه‌ندامی په‌رله‌مانی عیراق به‌ مه‌ودا میدیای راگه‌یاند "به‌پێی زانیاری و هه‌واڵه‌كان بێت هه‌ر دوو كوتله‌ی سائیرون و فه‌تح گه‌شتوونه‌ته‌ رێككه‌وتن له‌سه‌ر دیاری كردنی كاندیدی سه‌رۆك وه‌زیرانی عیراق".