مەودا میدیا-

بەرپرسی مەڵبەندی كەركوكی سۆسیالست دیموكراتی كوردستان رایدەگەیەنێت بڕیارێك دەرچووە بۆ ئەوەی دانیشتوانی شوقەکانی گەڕەكی پەنجا عەلی كە كوردن  دەربكرێن.

رەسوڵ رەئوف، بەرپرسی مەڵبەندی كەركوكی سۆسیالست دیموكراتی كوردستان بە مەودا میدیای راگەیاند "ئەو ماڵە كوردانەی كە دانیشتوی شوقەكانی گەڕەكی پەنجا عەلی شاری كەركوكن، بڕیار دەرچووە بۆ ئەوەی لە ماڵەكانی خۆیان دەربكرێن".

ئەوەشی خستەروو "ئەو شوقانە حكومین، كاتی خۆی بەسەر كەسی هەژار و كەمدەرامەت دابەشكراون و هیچ پارەیان لێ وەرنەگیراوە، ژمارەیەكی زۆر ماڵی كوردی تێدا نیشتەجێ بووە كە چەندین ساڵە لەو شوقانە دەژین و ژیان دەكەن".

باسی لەوەشكرد "ژمارەیان 180 ماڵ دەبن، بڕیارەكەش پارێزگاری كەركوك دەریكردووە و لە بەرامبەریشدا عەرەبە هاوردەكان دەخرێنە شوێنی ماڵە كوردەكان".