مەودا میدیا-

کۆمپانیای ڤایزەر بۆ دروستکردنی ڤاکسینی دژ بە ڤایرۆسی کۆرۆنا رەتیکردەوە ڤاکسینەکەی کاریگەری نەرێنی لەسەر جەستەی مرۆڤ دروست بکات و زیانی بۆ ماسولکەکانی دڵ هەبێت، ئیسرائیل رایگەیاندووە بەهۆی بەکارهێنانی ڤاکسینی ڤایزەرەوە ژمارەیەک هاوڵاتیی تووشی هەوکردنی ماسولکەی دڵ بوون.

کۆمپانیای ڤایزەر بۆ دروستکردنی ڤاکسینی دژ بە ڤایرۆسی کۆرۆنا لە راگەیەندراوێکدا ئاماژەی بەوەکرد، ئاگاداری ئەو حاڵەتانەی هەوکردنی ماسولکەی دڵن کە لە ئیسرائیل تۆمارکراوە، بەڵام ئەو حاڵاتانە ھیچ پەیوەندییەکی بە ڤاکسینی فایزەرەوە نیە، بەم نزیکانە نوێنەرانی کۆمپانیاکە لەگەڵ فەرمانگەی سەلامەتیی ڤاکسینەکانی وەزارەتی تەندروستیی ئیسرائیل کۆدەبنەوە بۆ پێداچوونەوەی وردەکارییەکان.

وەرزارەتی تەندروستیی ئیسرائیل رایگەیاندبوو، 275 حاڵەتی هەوکردنی ماسولکەی دڵ لە وڵاتەکەیدا تۆمارکراون کە پاش بەکارهێنانی ڤاکسینی جۆری ڤایزەر دروستبووە.

پ.ح