مەودا میدیا-

وەزارەتی تەندروستیی عیراق ئاماری 24 کاتژمێری رابردووی تووشبووان و گیانلەدەستدان و چاکبوونەوەی بە ڤایرۆسی کۆرۆنا بڵاوکردەوە، زیاتر لە چوار هەزار تووشبووی نوێ لە عیراق و هەرێمی کوردستان تۆمارکراوە.

وەزارەتی تەندروستیی عیراق رایگەیاند، لەماوەی 24 کاتژمێری رابردوودا 42 هەزار و 624 پشکنین لە عیراق و هەرێمی کوردستان ئەنجامدراون، لە ئەنجامدا چوار هەزار و 119 تووشبووی نوێ تۆمارکراون، 440 تووشبووی لە هەرێمی کوردستان تۆمارکراوە، هەروەها 23 تووشبوو گیانیان لەدەستداوە کە 5 تووشبووی لە هەرێمی کوردستانە.