مەودا میدیا-

وتەبێژی وەزارەتی سەرچاوەکانی ئاوی عیراق ئاشکرایکرد، سەبارەت بە پاراستنی بەشە ئاوی عیراق، لەگەڵ تورکیادا لە رێککەوتنی کۆتایی نزیکبوونەتەوە، بەهۆی دروستبوونی بەنداو لەلایەن تورکیاوە لەسەر ئاوی دیجلە و فورات، ئاوی عیراق  %50 کەمیکردووە.

عەلی رەزا، وتەبێژی وەزارەتی سەرچاوەکانی ئاوی عیراق بە میدیاکانی عیراقی رایگەیاند، "بۆ پاراستنی بەشە ئاوی عیراق لەرێککەوتنی کۆتایی لەگەڵ تورکیا نزیک بووینەتەوە و جەختمان کردووەتەوە مافی مێژوویی عیراق لە بەشە ئاوی رووباری دیجلە و فورات پارێزگاری لێ بکەن" هاوکات مەهدی حەمدانی، وەزیری سەرچاوەکانی ئاوی عیراق سەبارەت بە هەمان بابەت بڕیارە سەردانی ئێران بکات.

وتەبێژەکەی وەزارەتی سەرچاوەکانی ئاو باسی لەوەشکردووە، "بەهۆی دروستکردنی  بەنداو لەلایەن تورکیاوە لەسەر رووبارەکانی دیجلە و فورات، بەشە ئاوی عیراق بەڕێژەی %50 کەمیکردووە".

پ.ح