مەودا میدیا-

ماوەی چەند رۆژێکە نرخی بەنزین گرانبووە، ئەمەش نیگەرانی هاوڵاتییان و شۆفێرانی لێکەوتووەتەوە بەتایبەت شۆفێرانی تاکسی، ئەمڕۆش بۆ ئەم مەبەستە لە قەزای ئاکرێ لە سنووری پارێزگای دهۆک خۆپیشاندانی شۆفێران دەستیپێکرد و شەقامێکی سەرەکییان داخست.

 
بەپێی زانیارییەکان کاتژمێرێک پێش ئێستا، ژمارەیەکی زۆر لە شۆفێرانی تاکسی لە شەقامێکی سەرەکی ناو سەنتەری قەزای ئاکرێ لە سنووری پارێزگای دهۆک بۆ دەربڕینی ناڕەزایی دژی گرانبوونی نرخی بەنزین خۆپیشاندانیان ئەنجامدا و داوایانکرد هەرچی زووە حکومەت کار بکات بۆ کەمکردنەوەی نرخەکان، بەهۆی ئەوەی کاریگەری خراپی لەسەر بژێویی ژیانی هاوڵاتییان و شۆفێران دروستکردووە.

 
ئەمەش دوای ئەوەدێت ماوەی چەند رۆژێکە نرخی جۆرەکانی بەنزین لە هەرێمی کوردستان بەرزبووەتەوە و نیگەرانی هاوڵاتییان و شۆفێرانی بەدوای خۆیدا هێناوە.

پ.ح