مەودا میدیا-

وەزارەتی حەج و عومرەی سعودیە ئاشکرایکرد، بەهۆی دۆخی تەندروستیی جیهان و بڵاوبوونەوەی کۆرۆنا، حەجی ئەمساڵ تەنها بۆ دانیشتووان و هاوڵاتییانی ناوخۆی وڵات ئەنجام دەدرێت و وڵاتانی جیهان ئەمساڵ ناتوانن حەج ئەنجامبدەن.

وەزارەتی حەج و عومرەی سعودیە لە راگەیەندراوێکدا سەبارەت بە حەجی ئەمساڵی مسوڵمانانی جیهان ئاماژەی بەوەکرد، ئەنجامدانی حەجی ئەمساڵ تەنها بۆ دانیشتووان و هاوڵاتییانی ناوخۆی وڵات دەبێت و ژمارەکەشییان سنووردار دەبێت، بەجۆرێک تەنها 60 هەزار هاوڵاتی دەتوانن فەریزەی حەج ئەنجامبدەن.

ئاماژەی بەوەشکردووە، هۆکارەکەی بۆ دۆخی ئێستای تەندروستیی جیهان و بڵاوبوونەوەی ڤایرۆسی کۆرۆنا دەگەڕێتەوە کە بووەتە هۆی ئەوەی چەندین چالاکی لە جیهاندا بووەستێنێت.

پ.ح