مەودا میدیا-

رێکخراوی مافی مرۆڤی هەنگاو بڵاویکردووەتەوە کۆڵبەرێکی لاوی خەڵکی سەلاسی باوەجانی لە کاتی کۆڵبەری لە سنوورەکانی نەوسوود بەربووەتەوە و گیانی لەدەستداوە.

بەگوێرەی ڕاپۆرتی بڵاوکراوەی رێکخراوی مافی مرۆڤی هەنگاو، بەرەبەیانی ئەمڕۆ شەممە 12ی حوزەیرانی 2021 کۆڵبەرێک بە ناوی "حەمید وەیسی" لە کاتی کۆڵبەری لە سنوورەکانی نەوسوود سەر بە پارێزگای کرماشان بەهۆی بەربوونەوە لە بەرزایی گیانی لە دەستدا.

ئاماژە بەوەشکراوە، حەمید وەیسی خەڵکی یەکێک لە گوندەکانی شاری سەلاسی باوەجانی بووە، تەرمەکەی لەلایەن خەڵکی ناوچەکەوە بۆ نەخۆشخانەی شاری پاوە گوازراوەتەوە.

س.س