مەودا میدیا-

بەڕێوەبەرایەتیی گشتیی پۆلیسی هەولێر ئاشکرایکرد، هاوڵاتییەک دەستگیرکراوە بە تۆمەتی بەکارهێنان و هەڵگرتنی مادەی هۆشبەر، بە بڕیاری دادوەر دەست بەسەر مادەکاندا گیراوە و تۆمەتباریش راگیراوە.

هۆگر عەزیز، وتەبێژی بەڕێوەبەرایەتیی گشتیی پۆلیسی هه‌ولێر بە مەودا میدیای راگەیاند، "لەناو سه‌نته‌ری پارێزگای هه‌ولێر لە شەقامی باتە، هاوڵاتییەک بەناوی (گ. ص. م) تەمەن 28 ساڵ به‌تۆمه‌تی به‌كارهێنان و هەڵگرتنی ماده‌ی هۆشبه‌ر ده‌ستگیراوە، هاوکات دەست بەسەر بڕێکی زۆر مادەی هۆشبەری جۆری کریستاڵدا گیرا".

ئاماژه‌ی بەوەشکرد، "بە بڕیاری دادوەر دەست بەسەر سەرجەم مادەکاندا گیراوە و تۆمەتبار راگیراوە و لێکۆڵینەوەکان بەردەوامن".

پ.ح