مەودا میدیا-

هێزەكانی پاراستنی گەل هەپەگە ئاشکرایکرد، هێزەكانی گەریلا زیاتر لە 8 سەربازی توركیایان كوشتووە، هاوکات لە هەرێمی ئاڤاشین فڕۆکەیەکی بێ فڕۆکەوانییان خستووەتە خوارەوە.

ناوەندی راگەیاندنی هێزەكانی پاراستنی گەل هەپەگە لە راگەیەندراوێکدا چالاکییەکانییان دژی سوپای تورکیا بڵاوكردەوە و رایانگەیاند، "هێزەكانمان لە هەرێمەكانی بۆتان، زاپ، مەتینا، ئاڤاشین و خواكورك، دژی سوپای داگیركەری تورك چالاكییان ئەنجامداوە، كە لە ئەنجامیاندا زیاتر لە 8 چەكداری سوپای توركیا كوژراون، هەروەها چەندین چەکداری دیکە بریندارن".

ئاماژە بەوەشکراوە، "گەریلاكان لە هەرێمی ئاڤاشین فڕۆكەیەكی بێفڕۆكەوانی سوپای توركیایان خستووەتە خوارەوە، هاوکات دەست بەسەر ژمارەیەکی زۆر کەلوپەلی سەربازیدا گیراوە".

پ.ح