مەودا میدیا-

رێکخراوێ مافی مرۆڤی هەنگاو ئاشکرایکردووە کۆڵبەرێکی خەڵکی سەلاسی باوەجانی لەکاتی کۆڵبەری لە سنوورەکانی نەوسوود بە تەقەی هێزە چەکدارەکانی ئێران بریندار بووە.

بەپێی هەواڵێکی، رێکخراوی مافی مرۆڤی هەنگاو، رۆژی یەکشەممە 13ی حوزەیرانی 2021 هێزە چەکدارەکانی ئێران لە سنووری نەوسوود تەقەیان لە ژمارەیەک کۆڵبەر کردووە و لە ئاکامدا کۆڵبەرێک بە سەختی برینداربووە.

وەک ئاماژەی پێدراوە، ئەو کۆڵبەرە ناوی "وەلی روستەمی" خەڵکی گوندی پوشت کوڕی سەلاسی باوەجانییە، ئەوەشخراوەتەڕوو، وەلی روستەمی دەستی چەپی پێکراوە و بە مەبەستی چارەسەریی پزیشکی نێردراوەتە نەخۆشخانەی شاری پاوە.

س.س