مەودا میدیا-

بەڕێوەبەرایەتیی بەرگریی شارستانی هەولێر رایگەیاندووە دوانیوەڕۆی ئەمڕۆ هەینی گەنجێکی تەمەن سی ساڵان لەکاتی مەلەکردندا لە زێی گەورەدا خنکا، تائێستا تەرمەکەی نەدۆزراوەتەوە.

لە راگەیەندراوەکەدا هاتووە "دوانیوەڕۆی هەینی 18ی حوزەیرانی 2021 گەنجێکی تەمەن سی ساڵان لەکاتی مەلەکردندا لە زێی گەورەدا خنکا, ئەو گەنجە دانیشتووی گەڕەکی تەیراوەی شاری هەولێرە".

بەڕێوەبەرایەتیی بەرگریی شارستانی هەولێر ئەوەشی خستووەتەڕوو "لەئێستادا تیمەکانی بەرگریی شارستانی هەولێر بە دوای تەرمی ئەو گەنجەدا دەگەڕێن".

س.س