مەودا میدیا- سازگار ئەحمەد

ئه‌مڕۆ شه‌ممه‌ 19ی حوزەیرانی 2021 له‌ ئه‌نجامی رووداوێكی هاتوچۆ له‌ پارێزگای دهۆك گەنجێک گیانی لەدەستدا و شۆفێری ئۆتۆمبێلەکەش دەستگیرکرا.

ئازاد ته‌ها، وته‌بێژی هاتوچۆی دهۆك به‌ مەودا میدیای راگه‌یاند "له‌ نزیک به‌نزینخانه‌ی مه‌تین له‌ گه‌ڕه‌كی گه‌ركێ ئۆتۆمبێلێك خۆی كێشا به‌ گه‌نجێكدا، به‌رله‌وه‌ی ئه‌و گه‌نجه‌ بگه‌یه‌ندرێته‌ نه‌خۆشخانه‌ به‌هۆی سه‌ختی برینه‌كه‌یه‌وه‌ گیانی لەدەستدا".

ئاماژه‌ی به‌وه‌شكرد "هێڵكاری بۆ رووداوه‌كه‌ كراوه‌ و له‌ئێستادا به‌پێی یاسا شۆفێری ئۆتۆمبێله‌كه‌ ده‌ستبه‌سه‌ركراوه‌ و لێكۆڵینه‌وه‌ش له‌وباره‌یه‌وه‌ به‌رده‌وامه‌".

س.س