مەودا میدیا-

بەڕێوەبەری فڕۆکەخانەی نێودەوڵەتی هەولێر رایدەگەیەنێت گەشتە ئاسمانییەکانی نێوان هەرێم و وڵاتانی ئەوروپا دەستپێدەکاتەوە، ئاماژە بەوەشدەکات بەهۆی وەستاندنی گەشتە ئاسمانییەکان داهاتی فڕۆکەخانەکان دابەزیوە.

ئەحمەد ھۆشیار، بەڕێوەبەری فڕۆکەخانەی نێودەوڵەتی ھەولێر لە کۆنگرەیەکی رۆژنامەوانیدا رایگەیاند "دوای ئەوەی مانگی ئاداری ساڵی رابردوو بەهۆی بڵاوبوونەوەی ڤایرۆسی کۆرۆنا، گەشتە ئاسمانییەکانی نێوان هەرێمی کوردستان و وڵاتانی ئەوروپا راگیران، بەهۆیەوە داهاتی فڕۆکەخانەکان بۆ زیاتر لە نیوە دابەزی".

ئاماژەی بەوەشکرد "لەئێستادا تەنها ئەو کەسانەی پێویستی پزیشکییان هەیە دەتوانن سەردانی وڵاتانی ئەوروپا بکەن، بەڵام لەگەڵ کەمبوونەوەی ئامارەکانی توشبوون بە کۆرۆنا چاوەڕێ دەکرێت لە مانگی تەموزدا ھاتوچۆی گەشتیاران لەنێوان ھەرێمی کوردستان و وڵاتانی ئەوروپا دەستپێبکاتەوە".

س.س