مەودا میدیا-

نوێنەرایەتیی یەكێتیی ئەوروپا لە عیراق ئاشکرایکرد تیمێکی یەکێتیی ئەوروپا چاودێری هەڵبژاردنە پێشوەختەکەی ئەنجومەنی نوێنەرانی عیراق دەکەن، بەمزووانە سەردانی عیراق دەکەن و هاوکاری کۆمسیۆن دەکەن، ئامانجیان بەڕێوەچوونی هەڵبژاردنێکی پاک و دوور لە ساختەکارییە.

نوێنەرایەتیی یەکێتیی ئەوروپا لە عیراق لە تۆڕی کۆمەڵایەتیی تویتەر رایگەیاندووە جۆزێف بۆریل، بەرپرسی سیاسەتی دەرەوەی یەكێتیی ئەوروپا ئامادەیی نیشانداوە بۆ ئەوەی تیمێک رەوانەی عیراق بکات و چاودێری هەڵبژاردنە پێشوەختەکەی ئەنجومەنی نوێنەرانی عیراق بکەن، کە بڕیارە مانگی 10ی ئەمساڵ بەڕێوەبچێت.

ئاماژە بەوەشکراوە ئامانجی ناردنی تیمی چاودێری هاوکاریکردنی کۆمسیۆنی عیراقە بۆ ئەنجامدانی هەڵبژاردنێکی پاک و دوور لە ساختەکاری، هەروەها تیمەکە بە وردی چاودێری ئەنجامدانی هەڵبژاردنەکە دەکات.

پ.ح