مەودا میدیا-

ئەندامێکی پەرلەمانی کوردستان ئاشکرایکرد "حکومەتی هەرێمی کوردستان رۆژانە 25 هەزار بەرمیل نەوت دەپاڵێوێت و بە قۆرغکاری دەیداتە دوو کۆمپانیا، هەر لیترێک بە 630 دینار هەژمارکراوە، ئەوانیش بە 725 دینار دەیدەنە بەنزینخانەکان، مەترسی داخستنی 400 بەنزینخانە هەیە".

عەلی حەمەساڵح، ئەندامی پەرلەمانی کوردستان لە تۆڕی کۆمەڵایەتیی فەیسبووک لەلاپەڕەی تایبەتی خۆی بڵاویکردەوە "حکومەتی هەرێمی کوردستان رۆژانە 25 هەزار بەرمیل نەوت دەپاڵێوێت و بە قۆرغکاری دەیداتە کۆمپانیاکانی کورد نەفت، سەن ئۆیڵ، هەر لیترێک بە 630 دینار هەژمارکراوە بۆیان کە بڕەکەی 870 هەزار لیترە، ئەوانیش دەیدەنە بەنزینخانەکان بە بە 725 دینار".

ئاماژەی بەوەشکرد "کورد نەفت و سەن ئۆیڵ خۆیان بەنزینخانەیان ھەیە لیترێک بەنزین دەدەن بە 660 دینار، بەڵام بە بەنزینخانەکانی دیکە بە نرخی کۆ دەیدەنە 725 دینار، ئەمەش وادەکات زیاتر لە 400 بەنزینخانە مەترسی داخستنیان لەسەر بێت بەھۆی ئەم قۆرغکاریە".

پ.ح